ArchDaily-ն՝ ճարտարապետության և դիզայնի աշխարհի առաջատար հարթակներից մեկը, իր «This Week in Architecture» շաբաթական ամփոփագրում ներկայացրել է Amanoo-ն՝ Khakhamyan Heritage-ի կողմից իրականացվող Երևանի նոսր խտությամբ բնակելի թաղամասը։
Ամփոփագրում ներառված տարբեր նախագծերը միավորվում են արժեքի մասին ավելի լայն գաղափարի շուրջ՝ ներկայացնելով ճարտարապետական մոտեցումներ, որոնք դուրս են գալիս ընդունված պատկերացումներից։ Այս համատեքստում Amanoo-ն ներկայացվում է որպես նախագիծ, որի հիմքում բիոմիմետիկ ճարտարապետությունն է, իսկ լանդշաֆտը դիտարկվում է որպես նախագծային մտածողության առաջնահերթություն։
Amanoo-ի առանձնահատկություններից է կառուցապատման ընդունված հաջորդականության վերաիմաստավորումը։ Երբեմնի ամայացած տարածքում շինարարությանը նախորդել է լանդշաֆտի վերականգնումը․ նախագծի շրջանակում տարածքից հեռացվել է 165,000 մ³ շինարարական թափոն, իսկ կանաչապատումն ու լանդշաֆտի ձևավորումը դիտարկվել են որպես գլխավոր հատակագծի հիմնարար մաս։
Amanoo-ի 11 հեկտար տարածքի ավելի քան 75%-ը նախատեսված է կանաչ տարածքների համար։ Գլխավոր հատակագիծը նախատեսված է փուլային զարգացման համար, որի ամբողջական ավարտը նախատեսվում է 2036 թվականին՝ պահպանելով նախագծի հիմքում դրված նոսր խտության և բնության հետ ներդաշնակ զարգացման սկզբունքները։
ArchDaily-ի անդրադարձը Amanoo-ին ընդգրկում է ճարտարապետական ավելի լայն երկխոսության մեջ՝ այն մասին, թե ինչպես կարող է ժամանակակից կառուցապատումը վերաիմաստավորել իր հարաբերությունը լանդշաֆտի, միջավայրի և քաղաքի ապագայի հետ։
Amanoo-ի համար միջազգային ճարտարապետական հարթակում այսպիսի անդրադարձը նաև հնարավորություն է հայկական ժամանակակից ճարտարապետության գաղափարներն ու նախագծային մոտեցումները ներկայացնելու մասնագիտական ավելի լայն միջավայրում։
Ճարտարապետներ՝ Khakhamyan Heritage և Soghomonyan Architects
Ամբողջական ամփոփագիրը՝ ArchDaily-ի «This Week in Architecture» շաբաթական ամփոփագրում։
